Зусім не так даўно ў цэнтры горада зачынілася самая старая кавярня ў Оршы «Крама Кава». Здавалася б, цяпер тут на вуліцы Міра павінна была застацца толькі Пірі-Пірі з тых кавярняў, якія спецыялізуюцца менавіта на каве. Але попыт на спакойны адпачынак за кубкам гарачая напою з-за закрыцця адной кавярні не зменьшыўся. І ўжо два тыдні таму ў цэнтры па адрасе Міра, 10 адчынілася новая кавярня «У кампаніі кавы».
Адрозненне «кампаніі» ў больш прыемным адносна канкурэнтаў інтэр’еры. У астатнім тут прапануюць вялікі выбар відаў кавы, закускі да яе і магчымасць не толькі пасядзець, але і пагуляць у некаторыя настольныя гульні.
Праўда, пакуль гэтая кавярня яшчэ не настолькі папулярная, магчыма, з-за даволі сціплай шыльды, якую можна разгледзець толькі блізка падыйшоўшы да кавярні.
