Орша, Палітыка

Праўладныя вызначаны

12.09.2019 19:38

3365 праглядаў, 0 каментароў

Ужо стала зразумела хто стане дэпутатамі парламента ад аршанскіх акругаў

Беларускія выбары з-за фальсіфікацыяў вельмі прадказальныя. Выбар залежыць не ад таго як прагаласуюць выбаршчыкі, а ад таго, што на каго выпадзе выбар вышэйшых чыноўнікаў. Таму яшчэ на этапе рэгістрацыі ініцыятыўных групаў становіцца відавочным хто стане дэпутатам і нечаканасці ў гэтым правіле вельмі рэдкія. Апошні дзень рэгістрацыі ініцыятыўных групаў — 13 верасня, у гэты дзень выбарчыя камісіі правядуць выніковыя паседжанні па рэгістрацыі ініцыятыўных групаў.

Традыцыйна кандыдаты якіх падтрымлівае ўлада — гэта малапублічныя чыноўнікі, амаль заўсёды яны безпартыйныя і таму рэгіструюць групы па зборы подпісаў.

Па 26-ай Аршанска-Дняпроўскай выбарчай акрузе пад гэтыя характэрыстыкі найбольш падыходзіць дзеючы дэпутат Віталь Ігаравіч Чудовіч, які ідзе на чарговы дэпутацкі тэрмін.

А, вось, па 25-ай акрузе адбыліся змены. На новы тэрмін не пойдзе (прынамсі, пакуль не зарэгістравала сваю групу) дзеючая дэпутатка Людзьміла Дабрыніна. Відавочна, што па гэтай акрузе ўлады ставяць на іншую жанчыну-чыноўніку Інну Крачэк, загадчыцу роддомам.