Гомельскі "Лакаматыў" пасля няўдалага старту 2-га кругу чэмпіянату Беларусі выправіўся перад сваімі шанавальнікамі і зрабіў ім падарунак да Дня Гомеля. На аршанскім Гарадскім стадыёне перавага "Лакаматыва", які перад гульнёй займаў 3-ці радок табліцы, доўгі час зусім не выглядала відавочнай. Лёс паядынку вырашылі памылкі аршанскіх футбалістаў і іх нерашучасць у вырашальных эпізодах. Два мячы Салаўя і Кудаша, забітыя пасля памылкі абаронцы і пасля розыгрышу свабоднага ўдару, прынеслі "Лакаматыву" поспех 2:0. Аршанцы таксама мелі магчымасці вызначыцца, самая яўная была ў другім тайме ў Аляксандра Кучарава, але той пасля выхаду сам-насам з галкіперам гамельчукоў, запаволіў з прыняццем рашэння, і ў выніку ўдар быў заблакаваны абаронцам, які бег на падстрахоўку.
У першым тайме двойчы небяспечна прабіў лепшы бамбардзір "Оршы" Дзмітрый Іваноў, аднак яго ўдары не дасягнулі цэлі. Пройгрыш сіня-белых 0:2. У выпадку перамогі НФК над "Смаргонню" ў нядзельным матчы "Орша" апусціцца на 11 радок турнірнай табліцы Першай лігі.
Фота "Спортнавіны".
