Орша, Палітыка

Зарэгістравалі ўсіх

18.10.2019 16:40

2863 прагляду, 1 каментар

Па гарадской 25-ай акрузе зарэгістравалі ўсіх 7 кандыдатаў

Калі на акрузе дзе будуць галасаваць жыхары Аршанскага раёна, камісія адмовіла ў рэгістрацыі ўсім непадуладным кандыдатам, то на 25-ай акрузе наадварот — зарэгістравалі ўсіх. Кандыдатаы з гэтай акругі і пад час збору подпісаў былі больш актыўныя — амаль штодзень праходзілі пікеты, а то і некалькі ў дзень, менавіта ў падтрымку гэтых кандыдатаў прыязжалі рэспубліканскія палітычныя лідары. Цікавай выбарчая кампанія тут і застанецца — зарэгістравана 7 кандыдатаў:

1. Мікалай Дзямідаў — былы дэпутат Вярхонага Савету Беларусі, адзін з тых хто спрабаваў арганізаваць імпічмент Лукашэнку ў 1990-я гады, кіраўнік мясцовага аддзялення партыі «Справядлівы Свет».

2. Сяргей Жудро — сябра праўладнай Камуністычнай партыі Беларусі.

Дзмітрый Казлоў — вядомы блогер «Серый кот».

4. Інна Крачэк — відавочная крэатура ўладаў.

5. Яўген Пазднякоў — вылучэнец праўладнай Ліберальна-дэмакратычнай партыі.

6. Сяргей Пракапчук — сябра Аб’яднанай грамадзянскай партыі, які, магчыма, найбольш актыўны вядзе сваю выбарчую кампанію.

7. Людзьміла Савік — дублёр асноўнага кандыдата ад уладаў.

Такім чынам за час ад пачатку выбарчай кампаніі, тут з дыстанцыі сыйшоў толькі Аляксандар Школьнік, які як прыхільнік Мікалая Статкевіча самастойна зняўся з выбараў пасля правядзення шэрагу пікетаў.