Орша, Палітыка

Што гэта за інтэграцыя?

19.12.2019 18:34

2491 прагляд, 4 каментара

Сяргей Нікалюк растлумачыць аршанцам што такое «паглыбленая інтэграцыя» і ці сапраўды гэта пагроза для краіны

Палітолаг Сяргей Нікалюк за апошнія пару тыдняў даў ужо больш за дзесятак інтэрв’ю на тэму так званай «паглыбленай інтэграцыі». Гэта і не дзіўна — для беларусаў да гэтае пары застаецца таямніцай што ж такога павінны былі падпісаць Пуцін з Лукашэнкам, чаму не падпісалі і што плануюць падпісваць 20-га снежня ў Пецярбургу. Пытанне ідзе пра інтэграцыю з даволі канфліктным і спрэчным суседам пры тым, умовы дамоваў трымаюцца ў таямніцы ад усіх.

Што ж такога там можа быць падпісана, чаму не было падпісана і ці сапраўды гэтая дамова можа пагражаць незалежнасці нашай краіны — гэта паспрабуе растлумачыць Сяргей Нікалюк аршанцам на адмысловай сустрэчы, якая распачнецца 21 снежня а 14-00 па адрасе: г. Орша, вул. Леніна, д. 13, кв. 14. Уваход вольны.