Орша, Палітыка

Шэры Кот пад арыштам

30.12.2019 15:00

3728 праглядаў, 2 каментара

Блогер Зміцер Казлоў не змог з’явіцца ў суд у Менску, паколькі яго пасадзілі ў ІЧУ ў Оршы.

Лукашэнкаўскія ўлады працягваюць пераследваць, караць штрафамі і суткамі зняволення людзей, якія смела выходзілі за незалежнасць Беларусі і супраць эканамічнай і палітычнай экспансіі Расеі. Сярод патрыётаў быў і блогер з Аршаншчыны Зміцер Казлоў, вядомы яшчэ пад псеўданімам Шэры Кот. Аказалася, што Зміцер быў затрыманы 26-га снежня і асуджаны, гэта пацвердзіла прэс-служба "Еўрапейскай Беларусі", кампаніі, да якой належыць Зміцер Казлоў. Ён адбывае пакаранне ў Ізалятары часовага ўтрымання ў Оршы. Сёння павінен быў адбыцца яшчэ адзін суд над ім, аднак Зміцер ніяк не мог з'явіцца ў суд Ленінскага раёна Менска, паколькі сядзіць у ізалятары. Судовае паседжанне па яго справе было перанесена на 10 студзеня.