Зміцер Казлоў больш вядомы як блогер "Шэры кот" скончвае адсіжваць свае 15 сутак у аршанскім ІЧУ. Выпусціць яго павінны сёння 9 студзеня а 20-45. Нагадаем, што такое пакаранне ён перад Новым годам атрымаў за ўдзел у адной з акцыяў пратэсту супраць "паглыбленай інтэграцыі" ў Мінску. За ўдзел у акцыі ў Мінску Зміцер атрымаў тэрмін у Оршы, але па вызваленні яму давядзецца зноў патрапіць у Мінск.
Справа ў тым, што на 10 студзеня ў Зміцера прызначаны новы суд за іншую такую ж акцыю. Суд павінен распачацца а 9-00 у будынку суда Ленінскага раёна Мінска. Судзіць бараньца будзе суддзя Т.Шоцік.
