Блогер Дзмітрый Казлоў вядомы як "Серый Кот" знаходзіцца ў зняволенні з 25 снежня мінулага года. Тады яго арыштавалі паводле пастановы Ленінскага суда Мінска за ўдзел у акцыі 9 снежня супраць паглыбленай інтэграцыі з Расіяй.

Выйсці Дзмітрый мусіў 9 студзеня, але яго не выпцсуілі, бо як аказалася ў той жа дзень над ім адбыўся яшчэ адзін суд за ўдзел у акцыі 21-га снежня. Але далей яшчэ цікавей. З-за таго, што сувязь з Казловым моцна абцяжарана, толькі ўчора правабаронцам стала вядома, што на наступны дзень 10-га студзеня Зміцера асудзілі яшчэ раз цяпер за ўдзел у акцыі 20-га снежня і далі яшчэ 15 сутак. А 13-га студзеня на чацьвертыя 15 сутак яго асудзілі ўжо за заклік да ўдзелу ў адной з гэтых акцыяў. Такім чынам без перапынку ці амаль без перапынку Зміцер мусіць правесці пад адміністратыўным зняволеннем 60 сутак і г.та можа быць яшчэ не канец.

Справа ў тым, што ў Шэрага ката на 27-е чысло прызначаны яшчэ адзін суд у Ленінскім судзе Мінска за ўдзел у акцыі 8 снежня. Гэты суд ужо двойчы пераносіўся і, як і папярэднія, тут таксама могуць быць прысуджаны 15 сутак. Але і гэта не ўсё. Нам вядома яшчэ як мінімум пра два пратаколы складзеныя на Зміцера за распаўсюд заклікаў да ўдзелу ў акцыях пратэсту.

Нагадаем, што вы можаце падтрымаць Зміцера адным са зручных для вас спосабаў, якія апісаныя тут.