У суботу ў Оршы быў вялікі валейбольны дзень. Спачатку на пляцоўку выйшла "Кацюша", якая намагалася навязаць барацьбу вопытнай баранавіцкай камандзе "Атлант-БарДУ". Аршанкі ў некаторых момантах добра праявілі сябе, але перамагла прадказальна гасцявая каманда ў трох сэтах. Затым распачаўся матч "Узлёта" супраць лідэра мужчынскага дывізіёна Б каманды РДУАР. Валейбалісты гасцей выйгралі два першыя сэты 25:22 і 25:20. Затым важкае слова сказалі аршанцы, ім нарэшце ўдалося не толькі біцца з супернікам да канца, але і вырваць партыю ў сваю карысць — 25:22! У трэцяй, як "Узлёт" ні стараўся, і нягледзячы на тое, што доўга вёў у ліку, усё ж саступіў 26:28. Параза 1:3 пакідае крыўду ў душы, аршанцы пры мінімуме умоў сістэматычна паказваюць годную гульню, хаця частцы складу пакуль бракуе досведу, а ўсёй камандзе ў цэлым не заўсёды забяспечваюцца якасныя ўмовы.
Наперадзе яшчэ два туры для "Узлёта", а "Кацюша" правядзе яшчэ чатыры паядынкі.
Жанчыны. Дывізіён Б.
