Орша, Палітыка

Чаканая адмова

03.10.2013 22:05

2503 прагляду, 0 каментароў

Вярхоўны Суд РБ адхіліў скаргу партыі "Справядлівы свет"

Вярхоўны Суд РБ адхіліў скаргу Мікалая Дзямідава на адмову Аршанскага ГАУС аб узбуджэньні крымінальнай справы па факце парушэнняў падчас выбараў дэпутатаў у Палату прадстаўнікоў у верасні 2012 года. Нагадаем , што першы склад суда горада Орша і Аршанскага раёна задаволіў скаргу старшыні гарадской арганізацыі Партыі "Справядлівы Свет" Мікалая Дзямідава і накіраваў справу на новы разгляд, што практычна не мае прэцэдэнтаў у нашым горадзе. Аднак, на чарговую пастанову ГАУС аб адмове ў ўзбуджэнне крымінальнай справы (у тэксце не было дададзена нічога новага і ня выпраўлена ні адной коскі) новы склад суда ўжо не задаволіў скаргу. Довады назіральнікаў ад кампаніі « За справядлівыя выбары», сведак парушэнняў, не былі прынятыя да ўвагі. Вярхоўны Суд пакінуў скаргу без задавальнення. Падобны адказ быў цалкам чаканым . Таму незалежныя назіральнікі рыхтуюцца звярнуцца ў Камітэт па правах чалавека ААН.