Орша, Спорт

«Узлёт» выйграў серыю

15.03.2020 08:19

1995 праглядаў, 0 каментароў

Мужчынская валейбольная каманда годна выйшла з процістаяння з гамельчукамі.

Аршанскі "Узлёт" працягвае выступаць у плэй-оф чэмпіянату Беларусі па валейболе ў дывізіёне Б. У заключным і дакладна вырашальным матчы серыі чвэрцьфіналу супраць гомельскай "Энергіі-2" нашы землякі мусілі гуляць на пляцоўцы суперніка. І напачатку ўсё складалася на карысць гаспадароў, тыя досыць упэўнена перамаглі ў дзвюх першых партыях з аднолькавым лікам 25:19. У трэцяй справа дайшла да тай-брэйку, і "Узлёт" на валаску ад паразы ў матчы і серыі заадно здолеў вырваць перамогу 30:28. Гэта азначала працяг барацьбы як мінімум на партыю. Яе "Узлёт" таксама выйграў 25:22, перавёўшы матч у апошні сэт, які вырашаў лёс матчу і ўсёй серыі. Тут аршанцы гулялі цудоўна, не дазволіўшы супернікам наблізіцца да сябе — 15:9! Вынік усяго матчу 3:2 на карысць "Узлёта", а ўсёй серыі 2-1. Аршанцы выходзяць у наступны раўнд!