Напярэдадні адразу два матэрыялы на orsha.eu жартоўнымі — ўпершыню ў гісторыі! Спачатку мы перадалі інфармацыю, што паэт і мастак Саша Фугас правядзе ў грамадскім транспарце Оршы перформанс. Акцыя не адбудзецца. І не з-за каранавірусу, а проста таму, што гэта першакрасавіцкі жарт — Аляксандр не збіраўся ладзіць такой акцыі.
Таксама не завязуць у аршанскія кнігарні і перавыданне "Кама Сутры". Кнігу сапраўды перавыдаюць нярэдка і ў розных краінах, але пакуль інфармацыя пра яе завоз у Оршу ў масавым парадку — жарт. Мы радыя, што аршанцы ўмеюць весяліцца і ў няпростыя часы. Прыемнага вам красавіка і болей радасці ў кожную сям'ю, беражыце сябе і сваіх блізкіх!
