Орша, Спорт

Рэгулярку дагулялі

08.04.2020 12:14

2257 праглядаў, 0 каментароў

«Вітэн» згуляў унічыю са «Сталіцай», але затым чэмпіянат спынілі з-за каранавірусу.

Міні-футбольны чэмпіянат Беларусі толькі скончыў першы этап — рэгулярнае першынство. Размеркаваныя месцы перад плэй-оф. У заключным матчы "Вітэн" разышоўся мірам з менскай "Сталіцай" 4:4, галы ў аршанцаў забівалі Гусакоў-2, Клачко і Рось. "Вітэн" толькі 1 пункт саступіў у табліцы гомельскай камандзе БЧ, якая і выйграла рэгулярны чэмпіянат. Наперадзе самыя адказныя матчы другога этапу. Зрэшты, калі яны адбудуцца пакуль невядома. Гульні плэй-оф павінны былі пачацца 11 красавіка, але адкладзены да 25 красавіка. І пакуль невядома, ці дазволіць эпідэміялагічная сітуацыя правесці іх менавіта ў канцы гэтага месяца. Рашэнне будзе прынята 20 красавіка пасля кансультацый з медыкамі.