Міхаіла затрымалі дома ў Дуброўна каля 13-30. Затрымлівалі яго міліцыянты Аршанскага РАУС на тэрыторыі адказнасці Дубровенскага РАУС і адразу ж завезлі ў Оршу. Некалькі гадзін яго жонцы нічога не казалі пра тое дзе падзеўся муж, а потым абвесцілі, што ён ужо ў судзе.
Асудзілі Міхаіла - у адрозненні ад іншых палітычных затрыманых у Оршы - не за здымкі для канала "Страна для жизни" - ён у іх не ўдзельнічаў. Яго абвінавацілі ў акцыі ў нядзелю - першым кармленні галубоў на цэнтральнай плошчы Оршы. Праўда, самой акцыі па-сутнасці не адбылося. На плошчу сабралося каля 10 чалавек, да іх падыйшоў міліцыянт, які папярэдзіў пра недапушчальнасць правядзення несанкцыянаваных акцыяў. Пасля кароткай дыскусіі з міліцыянтаў прысутныя сыйшлі з плошчы і накіраваліся да помніку "За нашу Савецкую Радзіму!" (Кацюша), дзе ўсклалі кветкі і разыйшліся. Але за акцыю якой па факту не было Міхаіла асудзілі на 12 сутак арышту. Выйдзе на волю ён 25-га траўня каля 14 гадзін.
