Рэгіён, Грамадства

Рыхтуюцца рэйды ДАІ

13.09.2020 11:53

5049 праглядаў, 0 каментароў

Дарожныя інспектары занепакоеныя колькасцю аварый і траўмаў на дарогах.

З пачатку года на тэрыторыі Віцебскай вобласці адбылося 22 ДТЗ з удзелам маршрутных транспартных сродкаў і таксі. У іх загінулі два чалавекі, яшчэ 30 атрымалі раненні. Некаторыя з іх адбыліся на тэрыторыі Аршаншчыны. C 14 па 20 верасня АДАІ Аршанскага РУУС сумесна з супрацоўнікамі транспартнай інспекцыі і ГП «Аператар перавозак» правядзе рэйдавыя мерапрыемствы на тэрыторыі Аршанскага раёна. Праваахоўнікі правераць, як выконваюць ПДР вадзіцелі аўтобусаў і мікрааўтобусаў, а таксама таксісты. Таксама яны будуць звяртаць увагу на наяўнасць у кіроўцаў правоў адпаведнай катэгорыі, допуску да ўдзелу ў дарожным руху, правамернасць пераабсталявання транспарту. Мэта мерапрыемства — павышэнне бяспекі дарожнага руху і недапушчэнне аварый з удзелам транспартных сродкаў, якія выкарыстоўваюцца пры перавозцы пасажыраў.