20 кастрычніка з аўкцыёну будуць прадаваць комплекс паштовай станцыі, пабудаванай у вёсцы Паграбёнка Сенненскага раёна ў 1840 годзе. На гандаль выстаўлены сам станцыйны дом плошчай 115,14 квадратных метра і палова флігеля для фурманаў плошчай 74,3 квадратных метра, а таксама прыбудовы, дзве адрыны і плот. Таксама новаму ўладальніку адыдзе зямельны ўчастак плошчай 0,2267 га. Комплекс будынкаў былой паштовай станцыі з’яўляецца гісторыка-культурнай каштоўнасцю, і таму, хто набудзе яго, прыйдзецца падпісаць ахоўныя абавязацельствы. Пачатковы кошт лота складае 7 719 рублёў 8 капеек. Акрамя таго, мясцоваму райвыканкаму трэба кампенсаваць суме 1795 рублёў 5 капеек за падрыхтоўку аб’екта да продажу.
Згодна ўмоваў аўкцыёну, новы гаспадар зможа выкарыстоўваць нерухомасць па сваім меркаванні, у тым ліку як жылы дом, пішуць ННВ.
