Рэгіён, Эканоміка

«Александрыйскае» ў мінусе, але ў топах

09.03.2021 18:13

3134 прагляду, 0 каментароў

Міністэрства сельскай гаспадаркі апублікавала топ-15 лідараў па надоях малака ў краіне

Гэта рэйтынг сельскіх гаспадарак за 2020 год, тых гаспадарак якія надаілі найбольш малака. Кідаецца ў вочы, што амаль увесь рэйтынг 15-ці лідараў складаецца з прадпрыемстваў заходняй Беларусі, найбольш гаспадарак Брэсцкай вобласці. З Аршанскага і суседніх раёнаў у топ-15 прадсталена толькі прадпрыемства «Александрыйскае» Шклоўскага раёна. Яно за год надаіла 33.839 тонаў малака, што амаль на 500 тонаў меньш чым у мінулым годзе. Але і такое падзенне дазволіла застацца прадпрыемству на 6 месцы сярод усіх «калгасаў» краіны.

Больш з нашага рэгіёна ў рэйтынгу аніводнага прадпрыемства няма. А бліжэйшае да Аршаншчыны прадпрыемства, якое патрапіла ў топ-15 самых малочных — толькі не смейцеся — Віцебская птушкафабрыка, якая надаіла 31.231 тону малака.