На днях справу Максіма Шаўлінскага перадалі са Следчага камітэту ў пракуратуру. Нагадаем, што Максім - былы супрацоўнік адной гандлёвай кампаніі дзе супрацоўнікі ва ўнутраным рабочым чаце абмяркоўвалі ў жніўні палітычную сітуацыю. Унутраны чат стаў даступным для міліцыянтаў, якія выявілі ў фразах некалькі х супрацоўнікаў абразы. У выніку Арцём Кандрацьеў ужо атрымаў 1,5 гады "хіміі", а пасля сканчэння яго справы следчыя ўзяліся за Максіма Шаўлінскага. Падобна на тое, што ў красавіку над Максімам можа адбыцца суд. А пакуль у следчых вызваліліся рукі, яны завялі новую справу.
Следчы камітэт паведаміў, што новая справа за каментары ў сеціве распачатая на 53-гадовую аршанку, якаю размесціла публікацыю ў тэлеграме ў якой змешчаны "не адпавядаючыя сапраўднасці і абразлівыя звесткі" пра старшыню адной з выбарчых камісіяў у Віцебску.
