Інфармацыю пра гэта міністэрства ўнутраных спраў апублікавала яшчэ 6 чысла, але з тае пары аніякіх новых дадзеных, а галоўнае прозвішчаў абвінавачаных вядома не стала. Магчыма, што гаворка ідзе ўжо пра тых пра каго мы пісалі, напрыклад Максім Шаўлінскі, або гэта новыя, яшчэ не вядомыя справы.
Тым не меньш, як паведамляе сайт сілавікоў, двое аршанцаў абразілі інспектара Ганцавіцкага РАУС праз сацыяльныя сеткі. Наколькі можна зразумець, на дадзены момант іхныя каментары ацэньваюцца адмысловымі экспертызамі, каб зрабіць заключэнне ці падпаюць напісаныя словы пад адказнасць.
