"Экстрэмізм" дабраўся і да Оршы. Прэс-служба абласной міліцыі раніцай паведаміла, што чатыры тэлеграм-каналы, якія створаны для жыхароў Віцебскай вобласці прызнаныя экстрэмісцкімі. Сярод гэтых чатырох і самы папулярны пратэстны аршанскі канал (зараз не зусім зразумела ці можам мы называць яго). Рашэнне было прынята судом аднаго з Віцебскіх раёнаў яшчэ ўчора.
Найбольш папулярным гэты канал быў у першыя тыдні пасля выбараў, а сёння на яго падпісана амаль 1.500 чалавек. Калі пасля выбараў тут сапраўды ішлі актыўныя дыскусіі, то зараз больш перапосты з іншых СМІ. Міліцыя таксама паведамляе, што шукае адміністратараў гэтага і іншых каналаў. Пры гэтым нагадаем, што быць проста падпісантам каналу не падлягае адказнасці.
Акрамя аршанскага каналу таксама экстрэмісцкімі былі прызнаныя канал Полацку і Наваполацку, адзін з раённых каналаў Віцебска.
