Дзяржаўны камітэт па маёмасці абвесціў пра падрыхтоўку да продажу 80 прадпрыемстваў па ўсёй краіне. У спісе ёсць і два прадпрыемствы якія знаходзяцца на Аршаншчыне.
Так, з аўкцыёну плануецца прадаць арэхаўскі ААТ "Лантан". Дзяржава плануе прадаць усю сваю долю акцыяў, якая складае 100%. Ацэначны кошт акцыяў 142.849.000.000 беларускіх рублёў. Прадпрыемства даўно знаходзіцца ў складаным стане. Паводле справаздачы міністрэрства фінансаў за 2 квартал чысты прыбытак прадпрыемства склаў усяго 15.000.000 рублёў. Колькасць супрацоўнікаў - 50 чалавек, у параўнанні з 800 работнікамі ў савецкі час. У па-за мінулым годзе прадпрыемства атрымала дзяржаўную датацыю на распрацоўку новых відаў прадукцыі ў памеры 800.000.000, але грошы былі "праедзеныя" і пазней прадпрыемства спрабавала атрымаць яшчэ 14 мільярдаў рублёў дадацыі.
На конкурснай аснове плануецца таксама прадаць ААТ "Завод прыбораў аўтаматычнага кантролю" (ПАК). тут доля дзяржавы складае 92,85%, якая ацэньваецца ў 18.963.000.000 рублёў. Прадпрыемства таксама ў складаным становішчы, вядома што ў ПАК-а ёмсць запазычанасць перад падатковай і фондам сацыяльнай абароны. Ахвотнаму набыць ПАК будзе выстаўлены шэраг абавязковых для выканання ўмоваў: захаванне прадпрыемства не меньш як напрацягу 3 год, рост аб'ёмаў прадукцыі не меньш за 108,5% штогод, захаванне заробку работнікаў не меньш як сярэдні па вобласці і своечасовая яго выплата, рэнтабельнасць не меньш за 10,4%.
