Нечакана ў гэтым годзе міліцыянты і чыноўнікі сталі скрайне ранімыя. Колькасць крымінальных справаў за абразу міліцыянтаў і старшыняў выбарчых камісіяў упершыню такая вялікая. Праўда, кідаецца ў вочы нейкая "цэнтралізаванасць" гэтых абвінавачанняў. У кожным рэгіёне ў суд звяртаюцца адны і тыя адзін-два чалавекі. У Оршы такую папулярнасць мае начальнік інспекцыі па справах непаўнагадовых Дзмітрый Вішнеўскі. Ужо некалькі чалавек адпраўленыя на "хімію" за яго абразу.
Пра чарговую справу за яго абразу паведамляе сайт абласной міліцыі. На гэты раз пад рэпрэсіі патрапіў 42-гадовы жыхар Наваполацка. Міліцыя таксама паведамляе, што мужчына раскаяўся і выбачыўся перад Вішнеўскім.
