Рэгіён, Грамадства

Пажылая махлярка

23.08.2021 17:17

2330 праглядаў, 5 каментароў

У Сянно выявілі жанчыну, якая брала крэдыты на чужыя імёны

Як выявілі следчыя, 67-гадовая жыхарка Сянно з 2017 года набірала крэдыты, але не на сваё імя. Яна ўгаворвала знаёмых браць іх на сябе, потым прасіла хутка патраціць грошы, зноў жа, на саму сябе. З крэдытнымі грашыма даверлівыя знаёмыя ішлі ў краму і куплялі ёй тое, што яна хацела. Сама жанчына абяццала выплаціць крэдыт, але не збіралася гэта зрабіць, бо ў яе не хапала сваіх сродкаў на гэта. Па першым часе абвінавачаная рабіла выгляд, што вяртае грошы. Але ў выніку кідала і тыя маленькія выплаты банкам.

У выніку яна — дакладней для яе — набралі 40.000 рублёў пазыкаў. Агулам пацярпела 9 чалавек якіх выявіла следства, не выключана, што іх было больш.