10 снежня амаль ва ўсім свеце адзначаецца Дзень правоў чалавека. У Беларусі гэтае свята найчасцей адзначаецца грамадскімі арганізацыямі і правабаронцам чым дзяржаўнымі структурамі. Так атрымалася і ў гэты раз. У Оршу па запрашэнні мясцовых актывістаў прыехала Таццяна Севярынец - маці аднаго з самых знакамітых палітвязняў, ураджэнца Аршаншчыны Паўла Севярынца. Яна распавяла пра апошнія навіны, якія даходзяць ад Паўла з калоніі. Паказала лісты і малюнкі якія сын дасылае з-за кратаў. Праўда чытанне лістоў з няволі атрымалася не ў выкананні Таццяны Севярынец. Чытаючы лісты свайго сына, яна зрывалася на слёзы і таму лісты чыталі ўсе прысутныя па чарзе.
Напрыканцы імпрэзы некалькі песень заспяваў Андрэй Мельнікаў, які ў гэты час таксама быў у Оршы.
