Увогуле суд Талачынскага раёна рэдка быў на слуху ў часы вялікіх рэпрэсіяў. Гэта было звязана і з тым, што пратысты ў Талачыне як у маленькім горадзе былі не на столькі масавыя, як у вялікіх гарадах, і з тым, што ўвагі да Талачынскага суда з боку праваабаронцаў было мала. Малую ангажаванасць у палітычныя справы талачынскія суддзі вырашылі кампенсаваць распачаўшы экстрэмісцкія справы.
Літаральна сёння суд Талачынскага раёна прыняў рашэнне аб прызнанні экстрэмісцкім тэлеграм-канал "ByProsvet". Гэта праэкт які распаўсюджваў палітычны самвыдат, калі казаць больш дакладна, то больш заклікаў да распаўсюду чым распаўсюджваў сам. Па-сутнасці, гэтае прызнанне нічога не мяняе - тэлеграм не выдаляе старонкі якія беларускія ўлады прызнаюць экстрэмісцкімі, затое па аб'ектыўных прычынах (за мову варажнечы і распальванне варожасці паміж людзьмі) рэгулярна выдаляе старонкі беларускіх сілавых структураў і прапагандыстаў.
