Жыхарка адной з вёсак Сененскага раёну занялася відэа-блогінгам у 64 гады. У адной з сацыяльных сетак яна публікавала свае ролікі, якія прыцягнулі ўвагу нейкага мужчыны, які прадставіўся амераканскім вайскоўцам. І хоць жанчына была за мужам, знаёмства з сапраўдным ваенным захапіла. А псеўда-амераканец пачаў развіваць тэму, эмацыйна распаваядаў, што закахаўся і ўвогуле хоча прыехаць у Беларусь. Але... Мужчына зараз ваюе ў Сірыі і мусіць выплаціць сваёй кампаніі неўстойку за ад'езд. Грошай ён, канешне, папрасіў у сваёй замужняй інтэрнэт-каханкі. А жанчына і радая была дапамагчы, толькі грошай патрэбных не мела.
Жанчына пайшла ў банк і паспрабавала ўзяць крэдыт. Супрацоўнікі банку было больш дасведчаныя і патлумачылі ёй, што яна патрапіла на махляра, і крэдыт ёй не дадуць, і ўвогуле варта спыніць перапіску. Але каханне палала і пенсіянерка паехала за крэдытам у Віцебск. Там грошы атрымала, перавяла іх махляру, а сапраўдны ваенны не прыехаў. Наадварот, сказала, што гэтых грошай малавата і трэба пераслаць яшчэ. Калі першая сума была ў 850 даляраў, то другая ўжо 1300.
Банкам жанчына не верыла, а роднаму чалавеку паверыла. Дачка жанчыны ўжо пасля першага траншу на карысць амерканскага войска растлумачыла жанчыне, што гэта такі від махлярства, што яе падманулі і што варта звяртацца ў міліцыю.
Міліцыя цяпер наўрад ці дапаможа вярнуць грошы, бо гэта ўжо не першы выпадак у нашым рэгіёне. Але, прынамсі, пенсіянерка не паспела ўзяць яшчэ адзін крэдыт.
