Прыйшлі звесткі пра чарговы здзек над палітвязнямі з папраўчай калоніі №17, якая знаходзіцц ў суседнім Шклоўскім раёне. На гэты раз гаворка пра палітвязня Генадзя Смірнова з Брэскай вобласці - паведамляе сайт "Брэсцкая Вясна". Праваабронцы паведамляюць, што Генадзь моцна схудней, нават, "высах". А не так даўно яго змясцілі ў "памяшканне камернага тыпу" - гэта від дадатковага пакарання.
У ПКТ Генадзя адправілі як злоснага парушальніка, пры гэтым злосным парушальнікам ў Шклоўскай калоніі можна стаць не па сваёй віне, а па волі адміністрацыі калоніі. Пра падобнае распавядалі тыя хто сядзелі з загінулым у той жа калоніі Вітольдам Ашуркам - адміністрацыя шукала любой магчымасці, каб пакараць таго дадаткова, каб ён стаў больш пакладзістым. А ў выніку гэта првяло да смерці палітвязня.
