Аршанскі палітвязень пасля адсідкі вярнуўся ў ютуб. Яшчэ да турмы, як спартовы журналіст, Аляксандар вёў канал "ЧестнОК". Канал стаў вельмі папулярным для беларускага сегменту ютуба - 80,5 тысяч падпісчыкаў і сотні тысяч праглядаў ролікаў. Пераважна гэта былі ролікі з беларускіх футбольных стадыёнаў, якія вёў сам Івулін. 3 ліпеня 2021 года журналіст быў арыштаваны і пазней асуджаны на 2 гады калоніі. Пры гэтым ягоны канал працягнуў працаваць з іншымі журналістамі. 17 верасня 2021 года, дарэчы, канал быў прызнаным экстрэмісцкім.
Івулін выйшаў на волю 17 лютага гэтага года, хутка быў эвакуяваны з краіны і цяпер ужо ў бяспецы. Літаральна за некалькі гадзін адкрытага збору сродкаў яму сабралі некалькі тысяч еўра на набыццё абсталявання для працягу работы над каналам.
І ўжо сёння Аляксандар зноў выйшаў у прамы эфір. А 19-00 па беларускім часе на канале запусціўся стрым з цяпер ужо БЫЛЫМ палітвязнем. У сувязі з тым, што канал уладамі лічыцца эстрэмісцкім, мы не пубоікуем спасылку. Вы можаце самі знайсці гэты стрым і вельмі раім яго знайсці і паглядзець.
