Нагадаем, што на мінулым тыдні, асабліва масава ў чацьвер па Оршы міліцыя праводзіла вобшукі і затрымлівала людзей за посты ў сацыяльных сетках. Па нашай інфармацыі ў Аршанскім раёне затрымана як мінімум 12 чалавек, як мінімум адзін чалавек быў затрыманы ў Сянно. Тады ж мы выказалі меркаванне, што такая зачыстка звязаная з надыходзячым 25 сакавіка. Нашая здагадка падцверджваецца і тэрмінамі якія давалі затрыманым. Мужчынам суд выпісаў часцей за ўсё 10 сутак, адпаведна, іх выпусцяць 26 сакавіка. Жанчынам давалі штрафы, аднолькавыя ў 50 базавых велічыняў. Суды ішлі ў пятніцу і працягнуліся ў панядзелак.
Увогуле міліцыянты хаваюць інфармацыю пра затрыманых і не паведамляюць дакладных звестак пра затрыманых нават родзічам. Таксама адмаўляюцца перадаваць перадачы тлумачачы сваю адмову тым, што яны... палітычныя.
Аляксандру Школьнікаву, якога арыштавалі адным з першых, таксама далі адміністратыўны арышт.
