Учора Лукашэнка прызначыў у Круглянскі раён новага старшыню выканкаму. Варта адзначыць, што гэта вельмі дэпрэсіўны раён. Тут засталося адно прадпрыемства - мясцовае ПМК. Яно яшчэ неяк трымалася, нават, мела замовы па ўсёй краіне. Праўда, некалькі год таму са скандалам улады вырашылі на прадпыремстве памяняць дырэктара. Памянялі і пасля гэтага прадпрыемства таксам апачало развальвацца. У выніку заробкі сталі меньшыя, пачаліся скарачэнні. Па ўсім раёне сёння пражывае меньш за 13.000 чалавек.
Пры такой сітуацыі Лукашэнка прызначае кіраваць раёнам не нейкага паспяховага мэнэджэра, а былога начальніка Шклоўскай турмы Сяргея Ермаліцкага. Што чакаць ад такога мэнджэра? Учора мы апублікавалі артыкул з назвай "Круглае стане калоніяй?" і, напэўна, напрарочылі. Ужо вечарам пасля прызначэння ў Круглым пачаліся палітычныя затрыманні. Правабарончы цэнтар "Вясна" паведамляе пра, як мінімум, 6 затрыманыхх па палітычных прычынах. Як мінімум адна з іх жанчына, якую асудзілі на 3 сутак. Акрамя таго, у горадзе распачатае нейкая палітычная крымінальная справа пра якую пакуль дакладных звестак няма.
