Павел Белавус быў заснавальнікам і кіраўніком ініцыятывы symbal.by з аднайменнай крамай, якая вырабляла і гандлявала беларускай атрыбутыкай. Адзін з найбольш папулярных іх тавараў - вышымайкі, майкі з беларускім арнаментам, якія капіявалі традыцыйныя вышыванкі. Больш за тое, у ягоных вышымайках на публіцы з'яўляліся чыноўнікі, іх закупала для сваіх мерапрыемстваў БРСМ. У гэтым годзе гэтую дзейнасці палічылі "антыдзяржаўнай" і Паўла асудзілі на 13 гадоў калоніі.
Учора стала вядома, што Паўла накіравалі ў Шклоўскую калонію. Адрас для ліставання: ПК № 17. 213004, г. Шклоў, вул. 1-я Заводская, 8, Павел Мікалаевіч Белавус
