06:00

+14

3 м/с

991 гПа

09:00

+17

4 м/с

991 гПа

12:00

+20

5 м/с

990 гПа

15:00

+20

5 м/с

990 гПа

18:00

+20

4 м/с

989 гПа

Рэгіён, Культура

Краснапольцы. Некалькі цікавых фактаў

02.07.2023 09:18

609 праглядаў, 0 каментароў

Сёння распавядаем пра малавядомую вёсачку, якая нярэдка прыцягвала ўвагу журналістаў.

Факт 1. Затое які! Вёска Краснапольцы схаваная ад асноўных трасаў, яна дастаткова маладая (з’явілася ў канцы 19 стагоддзя). І з’явілася яна пад назвай Амерыка, што і з’яўляецца самым цікавым фактам пра Краснапольцы. На старых мапах мы ўпершыню сустракаем гэтую вёску як фальварак Амерыка, пазней на яго базе створыцца калгас з такой жа самай назвай: калгас «Амерыка». Але ў краіне Саветаў, якая ўвесь час хацела дагнаць і перагнаць Амерыку, такая назва лічылася ідэалагічна няправільнай і ў 1963 годзе яе пераймянуюць у Краснапольцы.

Мясцовыя, дарэчы, казалі, што новая назва так і не прыжылася, і самі сябе, і суседзі мясцовых жыхароў працягваюць называць амерыканцамі. Гэта і нядзіўна, вёска была невялікая, але дастаткова развітая для свайго памеру, а па збегу абставінаў, менавіта пасля перайменавання пачынаецца дэградацыя і выміранне вёскі. У 21-ым стагоддзі было некалькі газетных публікацыяў у розных выданнях пра Краснапольцы і ў кожнай з іх журналісты пісалі, што краснапольцы хочуць зноў стаць амерыканцамі: «Варочайце Амерыку назад» — гаворыць адзін з такіх артыкулаў словамі мясцовага жыхара. У вяртанні назвы ёсць сэнс — менавіта ён мог бы прыцягнуць увагу да вёскі і ажывіць яе за кошт турыстаў. Але ж пакуль гэтае пытанне абмяркоўвалася, абдумвалася і тармазілася, мясцовых ужо амаль не засталося. Цяпер у вёсцы бываюць пераважна дачнікі.

Факт 2. Апетая Караткевічам. Назва Амерыка прыцягвала ўвагу не толькі журналістаў, вёску ўзгадваў і Уладзімір Караткевіч. Яшчэ ў 1957 годзе (да перайменавання Амерыкі ў Краснапольцы) ён напісаў вялікі верш «Калумбы зямлі незнаёмай». Верш вялікі, таму мы не будзем яго цытаваць цалкам, але раім вам яго прачытаць — ён ёсць у свабодным доступе. Нас цікавяць апошнія радкі гэтага верша:

А я ў народ мой заўсёды веру,

І для яго як вопытны кормшчык,

Адкрыю найлепшую ў свеце Амерыку

(Вёску Амерыку, што пад Оршай).

Факт 3. Адкуль узялася назва. У нейкіх архівах мы наўрад ці знойдзем паходжанне Амерыкі. Таму паверым у дастаткова праўдападобную мясцовую легенду. Яна гаворыць, што нейкі мясцовы мужчына (не факт, што з самой Амерыкі, але аднекуль побач) у канцы 19-га стагоддзя паехаў на заробкі на той самы кантынент, у гонар якога потым назвалі вёску. Там ён дастаткова добра зарабіў, а вярнуўшыся, уклаў грошы ў набыццё зямлі і стварэнне ўласнага фальварку.

Гэта сапраўды праўдападобна, што ў канцы 19 — пачатку 20-га стагоддзяў нашыя землякі дастаткова масава выязджалі на заробкі у ЗША, Аргентыну, Бразілію ды іншыя амерканскія краіны. Сёння пра гэта выходзіць усё больш навуковых публікацыяў, якія падцвярджаюць праўдападобнасць такой версіі з’яўлення пад Оршай Амерыкі.

Факт 4. Парэшткі фальварку. Будаваўся першы невядомы нам амерыканец з размахам і гаспадарку меў вялікую. Потым яшчэ доўга менавіта ягоныя будынкі выкарыстоўваў мясцовы калгас. Усе будынкі з чырвонай цэглы, якія сёння яшчэ можна пабачыць у вёсцы, гэта тое, што будавалася ў часы існавання тут фальварку. Яны, канешне, развальваюцца, але пакуль тое-сёе можна паспець захаваць. Толькі сумніўна, што Краснапольцы знойдуць інвестара для захавання і аднаўлення гэтых будынкаў. А вось Амерыка інвестара знайсці б магла.

Падпішыся на навіны!

Падпішыся на навіны Оршы і рэгіёну і будзь першым, хто даведаецца самае важнае і цікавае

Последние новости

Як вам ідэя аднаўлення «Орион» для прыборкі Оршы

Обсуждение новости: Краснапольцы. Некалькі цікавых фактаў

Сёння распавядаем пра малавядомую вёсачку, якая нярэдка прыцягвала ўвагу журналістаў.

нет комментариев

станьте первым, кто начнёт обсужение

стать первым!

в соотеветсвии с действущим законодательством Республики Беларусь

комментарии могут оставлять только зарегистрированные пользователи

войти на сайт

ORSHA.EU - Оршанский региональный портал

При цитировании информации активная гиперссылка на orsha.eu обязательна. Использование материалов orsha.eu в коммерческих целях без письменного разрешения редакции не допускается

Если у Вас возникли вопросы по работе портала, есть пожелания и предложения или хотите прислать интересную новость - пишите на наш адрес электронной почты [email protected]

Пользовательское соглашение