Так супала, што ў суседніх раёнах сёння і на днях па палітычных матывах асудзілі трох жанчынаў. Так, у Сененскім судзе нядаўна была асуджана Караліна Звярынская, якая працуе ў Віцебску. Першапачаткова яе і планавалі судзіць у Віцебску, але потым перанеслі суд па месцы прапіскі - паведамляе адзін з правабарончых сайтаў прызнаных экстрэмісцкім. За распаўсюджанне экстрэмісцкіх матэр'ялаў яе аштрафавалі, але сума штрафу нам не вядомая.
А ў Талачынскім судзе сёння па такім жа абвінавачанні павінны асудзіць яшчэ двух жанчын. Маці траіх дзяцей, Вікторыю Козун пра якую яшчэ нядаўна як пра адну з лепшых работніцаў мясцовага лясгасу пісала абласная газета. другой на лаве падсудных павінна апынуцца Вольга Кубарская. Па стане на 14 гадзін мы не ведаем ці абвесцілі ім прысуд і які ён.
