Жанчыну абвінавацілі па папулярнай сёння прычыне: на яе старонцы ў Аднакласніках знайшлі інфармацыю, якая ўладамі была прызнаная экстрэмісцкай. Праўда, калі яна была размешчана не ведалі нават міліцыянты, якія і завялі адміністратыўную справу. Не ведала і сама жанчына. На судзе яна сказала, што і не ведала пра гэты запіс ана сваім акаўнце. Гэта і не дзіўна. Чалавек мог зарэпосціць у сябе цалкам бязвінную інфармацыю, напрыклад, пра жывёлаў, або дзіцячы дом, а пасля 2020 года ўлады пачалі прызнаваць экстрэмісцкімі ўсе СМІ якія ім не падкантрольныя. І такім чынам нават рэпартаж або карцінка зусім не палітычнага зместу, але з лагатыпам прызананага экстрэміскім канала магла стаць прычынай для затрымання. Ніхто не будзе чысціць сваю старонку, якой можа быць гадоў 20 цалкам.
У выніку шматдзетную маці, якая выхоўвае траіх непаўнагадовых дзяцей, асудзілі за распаўсюд экстрэмісцкіх матэр'ялаў на 1110 рублёў, а заадно канфіскавалі мабільны тэлефон.
