Хаця суд адбыўся яшчэ 1 верасня, правабаронцам толькі на мінулым тыдні сталі вядомыя падрабязнасці справы. На лаве падсудных апынулася Таццяна Пабяржына — загадчыца абслугоўвання і інфармацыі цэнтральнай бібліятэкі Талачынскага раёна. Жанчыну судзілі, у прынцыпе, па спецыяльнасці: загадчыка аддзела інфармацыі судзілі за распаўсюд інфармацыі. Але інфармацыі якую ўлады раней прызналі экстрэмісцкай. На яе старонках у сацыяльных сетках знайшлі падпіскі на некаторыя «экстрэмісцкія» рэсурсы.
У выніку суда суддзя Алеся Саян прыгаварыла бібліятэкарку да вялікага штрафу ў 1110 рублёў, што для работніка бібліятэчнай сферы рэальна не малая сума.
