Апошнім часам кожны тыдзень, а то і па некалькі разоў за тыдзень з Талачынскага раёна прыходзіць інфармацыя пра палітычна матэваваныя затрыманні і суды ў гэтым раёне. На гэты раз па адміністратыўнай справе апынулася кантралёрка-касірка Анжаліка Сушчая. Ёй у віну ставілі тое, што яшчэ ў 2018 годзе ў "Аднакласніках" яна падпісалася на старонку тэлеканала "Белсат" і... І ўсё.
Падпісацца на нейкую старонку і забыцца пра яе - нармальна справа для такіх старых сацыяльных сетак як "Аднакласнікі", чалавек можа ёй нават не карыстацца, а старонка будзе проста вісець у падпісках і аніяк не перашкаджаць. Тым больш, што ў 2018 годзе тэлеканал не лічыўся экстрэмісцкім, як і яго інтэрнэт-старонкі.
Але суддзя Алена Саян, бачна, ужо ўвайшла ў густ - гэта далёка не першы палітычны прысуд, які яна выносіць - і асудзіла жанчыну на штраф у 1110 рублёў.
