Гаворка ідзе пра 63-гадовую Вольгу Стаброўскую, якую ўчора судзіла Юлія Вяршыніна. Жанчына пенсіянерка, раней працавала ў аршанскай друкарні, якую зачынілі з-за банкруцтва. Вольга мае інваліднасць 3 групы, яе дачка мае праблемы са слыхам, а ўнук таксама інвалід з-за праблемаў са слыхам. У 2021 годзе жанчына пакінула каментар у адно слова ў сацыяльнай сетцы "Аднакласнікі", а таксама паставіла лайк.
Суд прайшоў у адзін дзень. За абразу прэзідэнта пенсіянерку асудзілі на 1 год і 3 месяцы калоніі агульнага рэжыму.
