Гаворка ідзе пра Паўла Якубовіча. Ужо трэці раз за гэты год ён патрапіў пад мясцовы суд па палітычных прычынах. Першы раз ён быў асуджаны 3 красавіка за фота з бел-чырвона-белым сцягам у сацыяльных сетках. Тады суддзя Людміла Талай аштрафавала яго на 370 рублёў. 6 ліпеня суддзя Інна Досава аштрафавала мужчыну на 1850 рублёў за падпіску на "экстрэмісцкі" канал.
Як стала нядаўна вядома, 27 ліпеня мужчыну аштрафавалі ў трэці раз. Арыштавалі Паўла раней і некаторы час ён знаходзіўся ў СІЗА. На судзе яго прызналі вінаватым у абразе міліцыянта, далі штраф зноў у 1850 рублёў, а заадно 2 гады хатняй хіміі.
