Аляксея Цыпілева арыштавалі 3 жніўня дома. Яму ў віну ставяць два каментары ў інтэрнэце, прычым, калі звычайна сілавікі толькі прыблізна могуць вызначыць калі былі зроблены каментары, то ў дадзеным выпадку вызначылі нават дзе яны былі зробленыя геаграфічна. Адзін каментар мужчына пакінуў, знаходзячыся па справах у Шклоўскім раёне.
4 кастрычніка суддзя Дзмітрый Разумовіч, які цяпер спецыялізуецца на палітычных працэсах, асудзіў прадпрымальніка на 2 гады калоніі. І маленькую кампенацыю судовых выдаткаў - крыху больш за 80 рублёў. Арыгінальна, што пад арыштам апынулася маёмасць прадпрымальніка: машыны-эвакуатары, бетонамяшалка і г.д. Машыны будуць пад арыштам пакуль асуджаны не аплоціць гэтыя 80 з невялікім рублёў.
Мужчына ў рэгіёне займаўся ўласным бізнэсам, у тым ліку эвакуатарамі. А на волі ў яго засталася грамадзянская жонка і трое малых дзяцей: 3, 4 і 5 гадоў.
