Авіякампанія "Орша Эйр" цяпер афіцыйна зарэгістравана на базе "Аршанскага авіярамонтнага завода" ў Балбасава. Юрыдычная рэгістрацыя завершана, афармляюцца дакументы дзеля дазволу палётаў.
Вызначана і колькасць супрацоўнікаў, якія будуць працаваць у кампаніі. Штат складзе 30 чалавек, а на дадзены момант працуюць толькі 8. Акрэслены і першапачатковы парк тэхнікі, туды ўвойдуць пяць верталётаў, адзін "Ми-8 МСБ" ды чатыры "Ми-2".
Нагадаем, што аршанскі авіярамонтны завод быў заснаваны ў 1941 годзе. У 2009 годзе кантрольны пакет акцыяў прадпрыемства дастаўся ўкраінскай кампаніі "Мотор Січ".
