Вядома, што асуджаны Уладзімір Лісіца родам з Сумшчыны (Украіна), служыў яшчэ ў Савецкім войску і таму ваяваў у Афганістане. Пры гэтым, як ветэран (хаця, канешне, гэта стэрэатыпы) мужчына не рэдка дазваляў сабе адкрыта казаць пра тое, што яму не падабаецца, а ў Лёзна такіх повадаў шмат. Хаця да нейкіх палітычных групаў ён не далучаўся.
У гэтым месяцы Лёзненскі суддзя Аляксей Лапушынскі асудзіў лёзненца па двух артыкулах: абраза прэзідэнта і абраза прадстаўніка ўлады. Падобна, што абразы былі агучаныя ў "Аднакласніках", бо старонка Ўладзіміра Лісіцы прызнаная экстрэмісцкай. Прысудзілі яму 3 гады калоніі, штраф 7.400 рублёў і кампенсацыя "абражаным" агулам на 6.000 рублёў.
