Як і па стане на 1 жніўня, так і зараз (на 1 верасня) Віцебская вобласць - рэкардсмэн па колькасці такіх арганізацый, а на другім месцы зноў знаходзіцца Мінская. Ні ў Аршанскім, ні ў Дубровенскім раёнах арганізацый з запазычанасцямі няма. А ў Талачынскім раёне, як і ў мінулым месяцы сітуацыя горш. Сярод раёнаў нашай вобласці Талачынскі раён зноў заняў другое месца па колькасці такіх арганізацый, на першым цяпер Браслаўскі раён.
Як і ў мінулым месяцы запазычанасць маюць наступныя арганізацыі: "Талачынская навінка", племянны завод "Рэканструктар", "Коханава-Агро". Навічкі ў спісе: Коханаўскі ільнозавод, ПУП "Друць". І наадварот змаглі выйсці са спісу прадпрыемствы: "Рыдомльскі", "Камсамольская праўда", "Абольцы", "Слаўнае". Па стане на 1 жніўня запазычанасці па заробку былі ў 7 арганізацыях Талачынскага раёну, у гэтым месяцы-5.
