За подпісам намесніка старшыні Аршанскага райвыканкаму Дзмітрыя Лапаціна і іншых сяброў адпаведнай камісіі выйшаў дакумент, у якім падведзеныя вынікі грамадскіх слуханняў вакол жылой забудовы ў раёне чыгуначнага вакзалу Воршы. Пра іх пачатак наш сайт пісаў яшчэ ў чэрвені.
Улады прызналі, што Аршанскі райвыканкам парушыў правілы правядзення грамадскіх слуханняў з 12 па 26 чэрвеня. Такім чынам, было прызначана другое абмеркаванне.
Агулам, згодна пратаколу грамадскіх слуханняў, уладам паступіла 25 пытанняў, датычных пабудовы. Напрыклад, на пытанне пра кантрольныя пункты і іх блізкасць да раёну забудовы чыноўнікі адказалі, што патрэбны дакумент знаходзіцца пад грыфам «для службовага карыстання», адпаведна, варта думаць, людзям яго не паказалі з гэтай прычыны.
Сярод пяці прапановаў, якія паступілі, улады адпрэчылі тры, на адну (са згадкай Лукашэнкі) адказалі пералікам плянаў па забудове Шчацінкі, а яшчэ на адну адказалі сцвярджальна, што падрыхтуюць шумаабарончыя мерапрыемствы ў рамках праекту.
Камісія рэкамендавала праект да рэалізацыі.
Прачытаць усе пытанні, прапановы і адказы чыноўнікаў можна на сайце райвыканкаму.
