На гэтым тыдні ў Оршы працягнуўся суд над чыноўніцай, але не аршанскай чыноўніцай. Судзяць Іну Галубкову - намесніцу старшыні Талачынскага райвыканкаму. Суд над ёй распачаўся яшчэ 22 жніўня, а 11 верасня адбылося наступнае паседжанне. 52-гадовую чыноўніцу вінавацяць у атрыманні хабару і перавышэнні службовых паўнамоцтваў. Само сабой, аніякіх падрабязнасцяў пра справу не вядома - улада пра іх не распавядае (дзяржаўныя СМІ амаль ніколі не пішуць пра карупцыю), а незалежныя СМІ ў сёняшніх умовах рэдка маюць доступ да такой інфармацыі.
Іна Галубкова прапрацавала намесніцай старшыні выканкаму больш за 10 гадоў. А паралельна ўзначальвала мясцовы Саюз жанчын, была дэпутаткай абласнога савета.
