Праграміста з Сянна будуць судзіць за ахвяраванні.
21 кастрычніка ў Віцебскім абласным судзе ў закрытым рэжыме пачнуць судзіць 48-гадовага Валерыя Мефадзіенку, даведаліся праваабаронцы. Справу будзе разглядаць суддзя Юры Урбан.
Мефадзіенку інкрымінаваныя ч. 2 арт. 361-2 КК (фінансаванне экстрэмісцкай дзейнасці), ч. 2 арт. 290-1 КК (фінансаванне тэрарыстычнай дзейнасці), ч. 1 арт. 361-2 КК (фінансаванне экстрэмісцкай дзейнасці).
Раней у Беларусі рэжым Лукашэнкі засудзіў ўжо тысячы чалавек, палітычныя прысуды выносілі нават за дапамогу прадуктамі палітычным зняволеным.
