25 студзеня ў госці да 82-гадовай бабулі прыехаў яе 27-гадовы ўнук, якога яна выхоўвала з дзяцінства. Гаспадыня дома і яе сын, дзядзька госця, арганізавалі застолле. На фоне алкагольнага ап'янення паміж мужчынамі ўзнік канфлікт. Пажылая жанчына спалохалася і выйшла з дому, каб выклікаць у міліцыю. Следам за ёй у двор выбег унук і пачаў збіваць пенсіянерку. Жанчына стала клікаць на дапамогу, і гэта прывяло госця ў яшчэ большую лютасць. Пакінуўшы збітую бабулю ляжаць на зямлі, мужчына вярнуўся ў хату і пачаў ламаць усё, што трапляла пад рукі...
Тым часам гаспадыні дома ўдалося выклікаць хуткую дапамогу. Унук, «выпусціўшы пар» і злёгку працверазеўшы, сам паведаміў аб тым, што адбылося, у міліцыю. Мужчыну ўзялі пад варту. Супраць мужчыны ўзбуджана крымінальная справа па ч.2 арт.149 Крымінальнага кодэкса (наўмыснае прычыненне менш цяжкага цялеснага пашкоджання ў дачыненні да састарэлага).
