Як сведчаць звесткі афіцыйнай статыстыкі, у раёне 18,2% стратных арганізацый, гэта значыць амаль кожная пятая. Пратэрмінаваная запазычанасць – больш за 100 млн руб., плюс па крэдытах і пазыках – больш за 27 млн руб.
Пры гэтым крыху падраслі прамыя замежныя інвестыцыі на чыстай аснове (без уліку запазычанасці прамому інвестару за тавары, работы, паслугі) з 19,4 тыс. долараў ЗША ў 2023 годзе да 22,6 тыс. долараў ЗША ў 2024-м.
У студзені 2025 года сярэдні заробак да выплаты падаткаў у Шклоўскім раёне быў 1957,5 руб., годам раней - 1643,3 руб. (+314,2 руб.) А афіцыйна зарэгістраваных беспрацоўных было ўсяго 7 чалавек.
