Актыўная падрыхтоўка да наведвання Оршы кіраўніком краіны распачалася прыблізна тыдзень таму. Акрамя прыборак, высадцы дрэваў, фарбаванняў сценаў ды мастоў у горадзе былі ўзмоцнены меры бяспекі. У чацвер царкву Нараджэння Багародзіцы наведаў вялікі картэж з супрацоўнікамі аховы прэзідэнта, якія агледзелі маршрут праезда прэзідэнта. Дамы якія знаходзяцца ў цэнтры абыходзілі участковыя міліцыянты з папярэджаннем не выходзіць на балконы ў час візіту Лукашэнкі. Акрамя міліцыянтаў у "патрулі" выправілі і настаўнікаў школаў, якія наведвалі месцы збору моладзі.
Сам візіт аказаўся даволі сціплым - прэзідэнт наведаў адноўленую царкву Нараджэння Прысвятой Багародзіцы, нейкіх гучных заяваў не прагучала.
