У мінулым сезоне нападнік Аляксандр Лужанкоў стаў лепшым бамбардзірам "Оршы", ён забіў 16 галоў. Аднак узімку кіраўніцтва аршанцаў не прапанавала добрых умоў аднаму з лідэраў калектыву, і Аляксандр змушаны быў сысці. Спачатку ён гуляў за магілёўскае "Тарпеда", аднак там узніклі нейкія праблемы і ў выніку Лужанкоў апынуўся ў складзе шклоўскага "Спартака". І вось ужо ў 2-м туры чэмпіянату краіны ў 2-й лізе Аляксандр дапамог сваёй новай камандзе ў Верхнядзвінску, "Спартак" перамог 2:0, абодва мячы на рахунку менавіта экс-зоркі "Оршы".
Дарэчы, 10-га траўня "Орша" ў рамках 1-й лігі прымае "Рэчыцу-2014", за якую выступае яшчэ адзін з відных гульцоў "сіня-белых" мінулага сезону - цэнтральны абаронца Павел Тарасенка. Orsha.eu прапануе вашай увазе анлайн-трансляцыю сустрэчы, пачатак матчу а 17:00.
