Жыхары Стаўроў збяруцца ў суботу на талаку, каб разам прыбраць берагі ракі Куцеенка. Да мерапрыемства запрашаюцца не толькі вяскоўцы, але і жыхары горада, якім не абыякавы стан экалогіі. Сваю падтрымку прыборцы выказаў і знакаміты пісьменнік Уладзімір Арлоў. Ён таксама прыедзе ў гэты дзень у Стаўры з Мінска і пасля талакі правядзе прэзентацыю сваіх новых кніг: другога тома кнігі "Імёны свабоды" і кнігу прысвечаную бітве на рацэ Улла.
Пачатак талакі а 13-00, сустрэча валанцёраў на месцы былога вясковага клуба. Пачатак прэзентацыі кнігаў а 14-00 на аграсядзібе Пуцяціна. Кампанія "Беларускі сад" арганізуе дастаўку валанцёраў з цэнтра горада мікрааўтобусам. Запісацца на мікрааўтобус можна прыйшоўшы на сустрэчу са Зміцерам сасноўскім, якая пройдзе 26 чэрвеня па адрасе Чырвонаармейская, 13 у рамках кампаніі "Мы аршанцы, мы беларусы".
